رۇسىيە ئامېرىكانىڭ ئالەم بوشلۇقىنى خۇسۇسىيلاشتۇرۇش قارارنامىسىغا نارازىلىق بىلدۈردى

تۈركىيە ئاۋازى رادىيوسى خەۋىرى:  رۇسىيە پىرېزىدېنتلىق مەھكىمىسى (كرېمىل سارىيى) باياناتچىسى ىمىترىي پېسكوۋ مۇخبىرلارنىڭ ترامپنىڭ ئالەم بوشلۇقىدىكى بايلىقلاردىن پايدىلىنىش قارارنامىسى توغرىسىدىكى سوئالىغا جاۋاب بەردى.

پېسكوۋ قانۇنىي جەھەتتىن بۇ قارارنامىنىڭ تەپسىلاتلىرىنىڭ تەكشۈرۈلۈشى كېرەكلىكىنى بىلدۈرۈپ: «ئالەم بوشلۇقنىڭ خۇسۇسىيلاشتۇرۇلۇشىغا يۈزلىنىدىغان ھېچقانداق ئۇرۇنۇشنى قوبۇل قىلىشقا بولمايدۇ» دېدى.

ئامېرىكا پىرېزىدېنتى دونالد ترامپ ئاي ۋە باشقا ئاسمان جىسىملىرىدا تېپىلغان سۇ ۋە بايلىقلاردىن خۇسۇسىي ئالەم بوشلۇقى تەشەببۇسى ۋە تەتقىقاتلىرىنى قوللاش ئۈچۈن پايدىلىنىشقا بولىدىغانلىقىنى ئۆز ئىچىگە ئالغان قارارنامىغا  ئىمزا قويغان ئىدى.

بۇ قارارنامە ئارقىلىق خۇسۇسىي شىركەتلەر ۋە شەخسلەرنىڭ ئالەم بوشلۇقى بايلىقلىرىدىن پايدىلىنىشىغا يول ئېچىلغان ئىدى.