америкада «TikTok» ишләткүчи мәлуматлирини хитайға сетиш билән әйибләнди
американиң калифорнийәдә иштатида, иҗтимаий таратқу бети «TikTok» ишләткүчи мәлуматлириниң мәхпийәтликини айақ асти қилип, мәхпий һалда хитайға сетип бәргәнлики түпәйлидин сотқа әрз қилинди.
түркийә авази радийоси хәвири: «б б с» қанилиниң хәвәр қилишчә, унуиверситет оқуғучиси мистий хоң хитайниң техника ширкити «ByteDance» кә тәвә иҗтимаий таратқу бекити «TikTok» қа қарши сотқа әрз сунған болуп, у хусусий мәлуматлириниң өз разилиқисиз «TikTok» тәрипидин ишлитилгәнликини илгири сүргән.
мистий хоң «TikTok» ни чүшүрүп қачилиғанлиқини бирақ һесаб ачмиғанлиқини, аридин бир қанчә ай өткәндин кейин «TikTok» ширкитиниң униң намиға һесаб ечип, техи һәмбәрһирләшмигән видеоларни мәхпий алғанлиқини ейтти.
әрзнамида йәнә, «TikTok» ишләткүчиләрниң разилиқини алмай туруп, әзалиқ мәлуматлирини елан ширкәтлиригә мәнпәәт үчүн шетиш вә бу арқилиқ нәп ундуруш билән әйибләнди.
әзаларниң хусусй мәлуматлирини болса, америкадики ишләткүчиләрниң һесаб тизимликини турғузуш, шиләткүчиләрни тәқиб қилиш үчүн ишлитлигән болуши мумкинлики вә шундақ ишләткили болидиғанлиқи билдүрүлди.
дунйа миқйасида тәхминән 500 миң актип ишләткүчиси болған «TikTok» илгириму америкалиқ ишләткүчиләрниң хусуйий мәлуматлирини қоғдимаслиқ билән әйибләнгән иди.
«TikTok» ниң ишләткәчи мәлуматлирини хитайдики мәкизи базисида сақлайдиғанлиқи вә бәзи видейоларни әгләктин өткүзүш вә чәкләш характерлиқ ишларни қилиш биләнму тәнқид қилинмақта иди.
