ئافغانىستاندا تالىبان ئامېرىكا ئەسكەرلىرىگە ھۇجۇم قىلدى
ئافغانىستاننىڭ جەنۇبىدىكى قاندىھار ۋىلايىتىدە شىمالىي ئاتلانتىك ئەھدى تەشكىلاتى (ناتو) قىسىملىرىغا قىلىنغان ھۇجۇمدا 3 ئەسكەر يارىدار بولدى.
1275237
تۈركىيە ئاۋازى رادىيوسى خەۋىرى: ئافغانىستاندىكى شىمالىي ئاتلانتىك ئەھدى تەشكىلاتى (ناتو) قىسىملىرى تەرىپىدىن ئېلان قىلىنغان باياناتتا، قاندىھار ئايرودۇرۇمىدا ۋەزىپە ئۆتەۋاتقان بىر ساقچىنىڭ ناتو ئەسكەرلىرىگە قوراللىق ھۇجۇم قىلغانلىقى بىلدۈرۈلدى.
ھۇجۇمدا 3 نەپەر ناتو ئەسكىرىنىڭ يارىدار بولغانلىقى ۋە ھۇجۇم قىلغۇچىنىڭ ئۇجۇقتۇرۇلغانلىقى قەيت قىلىندى.
ھۇجۇمنىڭ جاۋابكارلىقىنى تالىبان ئۆز ئۈستىگە ئالدى ۋە ۋەقەدە 12 نەپەر ئامېرىكا ئەسكىرىنىڭ ئۆلگەنلىكىنى ئىلگىرى سۈردى.
