misir teptish mehkimisi abdullah mursining wapat bolush sewebini tekshürüshni bashlidi
misir teptish mehkimisi, misirning sabiq pirézidénti muhemmed mursining tünügün kéche tuyuqsizla yürek sanjiqi tutup hayatidin ayrilghan 25 yashliq kichik oghli abdullahning wapat bolush sewebini tekshürüshni bashlidi.
1264203
türkiye awazi radiyosi xewiri: mursi ailisining adwokati abdulmömin abdulmeqsud anadolu agéntliqining soallirigha jawab bérip, teptish mehkimisi xadimlirining bügün seherdin bashlap abdullah mursining wapat bolush sewebini tekshürüshni bashlighanliqini éytti.
adwokat abdulmeqsud, mursi ailisining tekshürüshning axirliship jinazining depne qilinishi üchün ruxset qilinishi kütüwatqanliqini qeyt qildi.
sabiq pirézidént muhemmed mursi bilen nejla mehmud xanimning ehmed, sheyma, usame, ömer we abdullah isimlik 5 perzenti bar idi.
2013 – yili herbiy – siyasiy özgirish arqiliq aghduruwétilgen muhemmed mursi, iyun éyida sot mehkimiside yürek sanjiqi qozghilip qélip hayatidin ayrilghanidi.
