нийу йорк шәһириниң манхаттон районида бир тик учар чүшүп кәтти

түркийә авази радийоси хәвири: америка нийу йорк шәһириниң манхаттон (Manhattan) районида, бир тик учар егиз бинаға соқулуп кетип чүшүп кәтти. вәқәдә, учқучиниң җенидин айрилғанлиқи вә вәқәниң террорлуқ һуҗуми әмәслики билдүрүлди.

 нийу йорк от өчүрүш (пажарни) идарисиниң буб һәқтики байатида қәйт қилинишичә, бир тик учар манхаттонниң оттура қисмидики таймес мәйдани (Times) ға йеқин җайдики егиз бинаниң әң үстидики қәвитигә соқулуп чүшүп кәткән. тик учар бинаға соқулғанда, тик учарға от кәткән. вәқә йүз бәргәндин кейин от өчүрүш хадимлири вә сақчилар дәрһал нәқ мәйданға йетип кәлгән.

нийу йорк валийси андҗиру куамо (Andrew Cuomo) мухбирларға бәргән байатида: «тик учарниң мәзкур бинаға немә үчүн қонмақчи болғанлиқини билмәймиз. бу нормал қонуш әмәс» деди.

нийу йорк шәһәр башлиқи бил деи бласийо (Bill de Blasio) бинаға соқулған тик учарниң у йәрдә учмаслиқи керәк икәнликини ейтти.