непалдики тәбиий апәттә җенидин айрилғанларниң санида ешиш көрүлди
31-март (йәкшәнбә) непалниң җәнубиға җайлашқан бара вә парса районлирида чиққан боранда җенидин айрилғанларниң сани 35 кә чиқти.
түркийә авази радийоси хәвири: ANI агентлиқиниң йәрлик һөкүмәт мәсуллириниң мәлуматлирини асас қилған хәвиридә билдүрүлишичә, бара вә парса районлиридики йезиларға тәсир көрсәткән шиддәтлик йамғур вә боранда 35кишиниң җенидин айрилғанлиқи, йүзләрчә кишиниң йариланғанлиқи тоғриланған.
йәрлик һөкүмәт мәсуллири апәттә җенидин айрилғанларниң йеқин-йоруқлириға йардәм қилинидиғанлиқини вә йариланғанларниң һәқсиз давалинидиғанлиқини уқтурған.
шиддәтлик йамғур вә боран сәвәбидин райондики нурғун өйләрниң бузғунчилиққа учриғанлиқи йаки өрүлүп чүшкәнлики, дәл-дәрәхләрниң қомурулуп чүшкәнлики, електир түврүклириниң өрүлүп кәткәнлики әскәртилди. шуниң билән биргә, район хәлқиниң җиддий йадәмләргә еһтийаҗлиқ икәнлики билдүрүлди.
непал сақчилири өлүм-йетим һадисилириниң көпинчисигә боранда өрүлүп чүшкән тамлар, өйниң өгзилиридин чүшкән хиш парчилири, қомурулуп чүшкән дәрәхләр вә өрүлүп кәткән електир түврүклириниң сәвәб болғанлиқини уқтурған иди.
непал баш министири хадга прасад шарма олиниң апәттин қутқузуш хизмәтлирини тәкшүрүш үчүн апәт райониға қарап йолға чиққанлиқи билдүрүлгән иди.
непал дөләтлик җиддий әһвалларға тақабил туруш мәркизи түнүгүн (1-апрел) боран сәвәбидин 612 кишиниң йариланғанлиқини, апәттин қутқузуш вә йардәм хадимлириниң апәтниң зийиниға учриған йезиларға әвәтилгәнликини елан қилған иди.
مۇناسىۋەتلىك خەۋەرلەر
мичотакс түркийәгә келиду
гиретсийә баш министири керийакос мичотакис пайтәхт әнқәрәдә дөләт ишлири зийаритидә болиду.
