donald tramp kim jongungha xususiy mektup yollidi
shimaliy koréye médiyasi, shimali koréye rehbiri kim jongunning amérika pirézidénti donald tramptin bir mektup tapshurup alghanliqini we ikki dölet otturisidiki 2 – qétimliq yuqiri derijilik rehberler uchrishishi üchün teyyarliqlarni bashlash yolyuruqi chüshürge
türkiye awazi radiyosi xewiri: shimaliy koréyening resmiy xewer agéntliiq «KCNA» aldinqi hepte washingitonda tramp we bashqa mesullar bilen körüshken shimaliy koréye ishchilar partiyesi merkiziy komitéti muawin bashliqi kim pongchol arqiliq amérika pirézidénti donald trampning shimaliy koréye rehbiri kim jongungha bir xususiy mektup yolliighanliqini xewer qildi.
xewerde, shimaliy koréye wekilining amérika ziyariti netijisidin shundaqla tramptin tapshuruwalghan mektuptin intayin xushal bolghanliqi bildürüldi. shimaliy koréye rehbiri we amérika pirézidéntining ikki dölet otturisidiki mesililerni hel qilish jehettiki qetiy iradilirini we arzulirini medhiyelep tilgha alghanliqi uqturuldi.
xewerde kim jongunning washingiton we piyongyang otturisida ötküzülishi pilanlanghan 2 – qétimliq aliy yighin üchün téxnikliq teyyarliqlarning bashlinishigha buyruq chüshürügenliki hemde: «sewerichanliq we yaxshi niyet bilen kütimiz. amérika bilen özara shekillinidighan nishanlargha qedemmu qedem ilgirileymiz» dégenliki qeyt qilindi.
aq saray bayanatchisi sarah sandérs 18 – dékabirda, «pirézidént donald tramp shimaliy koréyening yadro qorallardin paklinishi we féwral éyining axirida ötküzülidighan aliy yighin heqqide kim yongchol bilen bir yérim saet muzakirileshti» dep bayanat élan qilghan idi.
sarah sandérs yighinning ornining kéyinche élan qilinidighanliqini bildürüp, «pirézidént tramp yighinda kim jongun bilen körüshüshni töt közi bilen kütmekte» dégen idi.
amérika pirézidénti donald tramp bilen shimaliy koréye rehbiri kim jongunning otturisida ötküzülidighan 2 – qétimliq uchrishishning yanwarning axirida ishqa ashidighanliqi bildürülgen idi.
tramp bilen kim tünji qétim 2018 – yili 12 – iyunda singaporda uchrashqan, andin ikki rehber shimaliy koréyening yadro qorallardin paklinishi jehette kélishim hasil qilghan idi.
