خىتاي تاشقى پلانېتقا 7 سۈنئىي ھەمراھ قويۇپ بەردى

تۈركىيە ئاۋازى رادىيوسى خەۋىرى: خىتاي تاشقى پلانېتقا 6 كۆزىتىش سۈنئىي ھەمراھى بىلەن 1 ئالاقە سۈنئىي ھەمراھ قويۇپ بەردى.  

شىنخۇا ئاگېنتلىقىنىڭ بۇ ھەقتىكى خەۋىرىدە، خىتاينىڭ غەربىي شىمالىغا جايلاشقان جىيۇچۇەن سۈنئىي ھەمراھ قويۇپ بېرىش مەركىزىدىن يۇنخەي-2 تىپلىق 6 كۆزىتىش سۈنئىي ھەھراھى بىلەن، 1 ئالاقە سۈنئىي ھەمراھىنىڭ قويۇپ بېرىلگەنلىكى بىلدۈرۈلدى.

ئالاقە سۈنئىي ھەمراھىنىڭ مودېلى توغرۇلۇق مەلۇمات بېرىلمىگەن خەۋەردە، يۇنخەي -2 تىپلىق سۈنئىي ھەمراھلارنىڭ ئاتموسفېرا ۋە تاشقى پلانېتتا كۆزىتىش، تەبىئىي ئاپەتلەرنىڭ ئالدىنى ئېلىش ۋە ئازايتىش، شۇنداقلا ئىلمىي تەتقىقات قاتارلىق ئىشلاردا ئىشلىتىلىدىغانلىقى ئەسكەرتىلدى.

چاڭ-4 تىپلىق ئىنسانسىز كەشپىيات ئاپپاراتىنى بۇ يىل 7-دېكابىردا ئاينىڭ قاراڭغۇ قىسمىغا يوللىغان خىتاي، چاڭ-5 تىپلىق ئىنسانسىز كەشپىيات ئاپپاراتىنى كېلەر يىلى ئاينىڭ ئۆزىگە ئەۋەتىشنى پىلانلىماقتا.