b d t ghezze toghruluq jiddiy yighin chaqirdi

türkiye awazi radiyosi xewiri: birleshken döletler teshkilati xewpsizlik kéngishi israiliyening  ghezzege hujum qilishidin kéyin ghezzede zorawanliq we sürkilishning keskinliship kétishige qarita, kuweyt we boliwiyening telipige binaen jiddiy yighin chaqirdi.

israiliyening b d t da turushluq wekili danniy danon «rayonda xelqqe rakéta bilen hujum qilidighanlar we puqralirini qoghdaydighanlar bolup ikki terepning barliqini»ilgiri sürüp, israiliye hökümitining xelqaraning hem pelestin hemde israiliyeni soghaqqan bolushni chaqirishini toghra tapmaydighanliqini éytti.

pelestinning  b d t da turushluq daimiy wekili riyad mensur yighindin kéyin muxbirlarning soallirigha jawab bergende, amérikani wastilik halda tenqid qilip «bu dölet seweblik b d t xewpsizlik kéngishining pelestin mesilisini hel qilishta qiyinchiliqqa duch kéliwatqanliqini»bildürdi.

mensur: b d t xewpsizlik kéngishini xelqaraning tinchliqi we bixeterlikini kapaletke ige  qilish mesuliyitini ada qilghuche aware qilip turimiz, dédi.

kuweytning b d t daimiy wekili mensur el otaybi israiliyening ghezzege qaratqan hujumlirini eyiblep, ghezzede insaniy kirizsning barghanche éghirlishiwatqanliqini eskertti.

otaybi yene mundaq dédi: «yéqin kelgüside rayonda tinchliq berpa bolidighandek emes.»

boliwiyening b d t da turushluq wekili sacha sérgiyo loréntti soliz, ikki yildin buyan amérikaning «atalmish»ottura sherq tinchliq pilanining ishqa éshishini kütüp kéliwatqanliqini,lékin buning emelge ashmighanliqini, shunga israiliye-pelestin tinchliq söhbetliride heqqiy bir muresseleshtürgüchige éhtiyaj barliqini eskertti.

diplomatik menbelermu b d t xewpsizlik kéngishida ghezzediki kirizisni qandaq hel qilish toghrisida birdeklik hasil qilinalmighanliqini bildürdi.