larijani iran türmiliridiki mehbuslarning ehwali toghrisida toxtaldi
iran edliyesi bashliqi sadiq larijani, irandiki mehkumlarning %70 ining biwasite yaki wasitilik halda zeherlik chékimlik gumandarliri ikenlikini bildürdi.
türkiye awazi radiyosi xewiri: larijani paytext téhranda chaqirilghan aliy sot kéngishide türmilerdiki saqliniwatqan mesililer üstide toxtilip, türmilerdiki mehbuslarning %70 ining biwasite yaki wasitilik halda zeherlik chékimlikke chétishliq ikenlikini, bu mesilige bir chare tépish lazimliqini éytti.
larijani, jinayetchilerning jemiyetke we döletning bixeterlikige ziyan yetküzüshining aldini élish üchün tutqun qilinghanliqini bildürüp, bu xil kishilerning qoyup bérilishining bashqa kishilerning ziyankeshlikke uchrishishigha seweb bolidighanliqini qeyt qildi.
larijani barliq mehbuslarning ziyanliq kishiler emeslikini, edliye tarmaqlirining bundaq kishilerning jazalirini qamaqning ornigha bashqa shekilde tartishini kapaletke ige qilsa bolidighanliqigha isharet qilghan halda, «mehbuslarmu bu shekilde rohiy we ijtimaiy jehettin özlirini tüzitish pursitige ige bolidu» dédi.
sadiq larijani, türmilerge tengdash charilerni tépishning irandiki jaza mudditini chüshürüsh éhtimali barliqini sözlirige ilawe qildi.
