pompéyo selman bilen téléfonda körüshti
amérika tashqi ishlar ministiri mayk pompéyo, seudi erebistanliq zhurnalist jemal qashiqjini öltürüsh herikitige ishtirak barliq kishilerning washington teripidin jawabkarliqqa tartilidighanliqini eskertti.
türkiye awazi radiyosi xewiri: mayk pompéyo seudi erebistan text warisi shahzadisi muhemmed bin selman bilen téléfonda körüshti. amérika tashqi ishlar ministirliqi bayanatchisi héitér nauért, ministir mayk pompéyo bilen text warisi shahzade selmanning téléfon söhbiti toghrisida yazma bayanat élan qilip, «ministir pompéyo, amérika qoshma ishtatlirining jemal qashiqjining öltürülüsh weqesige arilashqanlarning hemmisini jawabkar, dep qaraydighanliqini we seudi erebistanningmu shundaq pozitsiyede bolushi kéreklikini tekitlidi» dégenlerni qeyt qildi.
héitér nauértning bayanatigha qarighanda, mezkur téléfon söhbitide yemen mesilisimu küntertipke kelgen we pompéyo «bu dölettiki toqunushlarning baldurraq toxtitilishi» toghrisidiki amérikining chaqiriqini tekrarlighan.
bayanatta yene, mayk pompéyoning, b d t alahide wekilining riyasetchiliki astida yemen mesilisige tinch usulda siyasiy chare tépish üchün, tereplerning muzakire üstilige olturushi lazimliqini tekitlep ötkenliki qeyt qilindi.
