nigériyede xoléra tüpeyli 71 adem qaza qildi
dunya sehiye teshkilati nigériyening sherqiy shimal rayonlirida xoléra yuqumluq késelliki tüpeyli 2 ay ichide ölgenlerning sanining 71ge yetkenlikini uqturdi.
türkiye awazi radiyosi xewiri: nigériyening sherqiy shimalida meydangha kelgen xoléra yuqumluq késelliki tüpeyli 2 ay ichide ölgenlerning sani 71ge yetti.
dunya sehiye teshkilati sherqiy shimal rayoni wekili doktor kollinis owili, yobé wilayitige qarashliq 5 rayonda 2 ay ichide 71 ademning xoléra tüpeyli ölüp ketkenlikini bildürdi.
rayonda 2 ay ichide 1759 xoléra weqesi bayqalghanliqini éytqan doktor owili, yuqumluq késelliklerning aldini élish üchün heqsiz dawalash xizmiti bashlighanliqini eskertti.
nigériyening pakiz su yétishmeywatqan rayonlirida pat-pat xoléra késelliki körülüp turidu.
nigériyede térrorluq teshkilati boko haramning térrorluq hujumliri tüpeyli yurt-makanliridin köchüp kétishke mejbur bolghanlar musapirlar lagérlirida turmush kechüridu.
