пакистан билән афғанистан пүтүшти
пакистан билән афғанистан ортақ һәрикәт пилани мәсилисидә пүтүшти.
түркийә авази радийоси хәвири: пакистан ташқи ишлар министирлиқиниң билдүрүшичә, баш министир шаһид һақан аббаси җүмә күни афғанистанда зийарәттә болғандин кейин, икки дөләт 7 маддилиқ афғанистан – пакистан тинчлиқ вә һәмкарлиқ һәрикәт пилани мәсилисидә ортақ тонуш һасил қилған болуп, пакистан ортақ қарарға асасән, афғанистанда тинчлиқни ишқа ашуруш үчүн афғанистанға һәр җәһәттин йардәм беридикән, һәмдә һәр икки дөләт үчүн тәһдит шәкилләндүридиған унсурларға қарши бирликтә һәрикәт елип берилидикән. афғанистан билән пакистан тәһдит шәкилләндүридиған мәсилиләрдә бир – бирини әйибләшниң орниға, ортақ қарарни чиқиш нуқта қилип вә һәмкарлиқ миханизмлиридин пайдилинип, тәһдитләргә ортақ тақабил туридикән.
тәрәпләр маслаштуруш вә мәслиһәтчилик хизмәт гурупписи қуридикән һәмдә учур - алақә орнитиш әтрити тәшкил қилидикән,
буниңдин башқа йәнә, икки дөләт бир – бириниң қуруқлуқ һәм һава чегралирини дәпсәндә қилмаслиқ үчүнму бирдәклик һасил қилған.
