چاۋۇشئوغلۇ باغدادتا زىيارەتتە بولىدۇ
تاشقى ئىشلار مىنىستىرى مەۋلۈت چاۋۇشئوغلۇ 21 – يانۋار ئىراقنىڭ پايتەختى باغدادتا دۆلەت ئىشلىرى زىيارىتىدە بولىدۇ.
![چاۋۇشئوغلۇ باغدادتا زىيارەتتە بولىدۇ](http://cdn.trt.net.tr/images/xlarge/rectangle/6021/e4a9/6b82/5a32624a11c7f.jpg?time=1718620245)
تۈركىيە ئاۋازى رادىيوسى خەۋىرى: چاۋۇشئوغلۇ ئانادولۇ ئاگېنتلىقىنىڭ زىيارىتىنى قوبۇل قىلغاندا بەرگەن باياناتىدا، ئىراق كورد رايونلۇق ھۆكۈمىتىنىڭ 2017 – يىلى 25 – سېنتەبىر كۈنى قانۇنسىز ھالدا رېفېراندۇم ئۆتكۈزۈشىدىن كېيىن يىرىكلىشىپ كەتكەن باغداد – ئەربىل مۇناسىۋەتلىرى ھەققىدە توختالغاندا، ئىراق مەركىزىي ھۆكۈمىتى بىلەن رايونلۇق ھۆكۈمەت ئوتتۇرىسىدىكى مۇناسىۋەتلەرنىڭ نورماللىشىشى مەسىلىسىدە تۈركىيەدىن ياردەم تەلەپ قىلىنغانلىقىنى تەكىتلەپ مۇنداق دېدى: «ھەم باغداد ھەم ئەربىل تۈركىيەنىڭ مۇرەسسەچىلىك رولى ئوينىشىنى تەلەپ قىلماقتا. بۇ دائىرىدە 21 – يانۋار باغدادتا زىيارەتتە بولىمىز، ئۇچرىشىشلاردا، تۈركىيە – ئىراق مۇناسىۋەتلىرىدىن سىرت يەنە، باغداد – ئەربىل مۇناسىۋەتلىرىنى نورماللاشتۇرۇش مەسىلىسى توغرىلىقمۇ سۆھبەت ئېلىپ بارىمىز. بۇنىڭدىن باشقا يەنە، ئۇچرىشىشلاردا، رايوننىڭ نۆۋەتىكى ۋەزىيىتى توغرىلىقمۇ ئۆزئارا پىكىر ئالماشتۇرىمىز.»
مۇناسىۋەتلىك خەۋەرلەر
![ئىسرائىلىيە غەززەگە ھېيتتىمۇ ھۇجۇملىرىنىمۇ داۋاملاشتۇرماقتا](http://cdn.trt.net.tr/images/medium/rectangle/21eb/b345/76ed/666fd65e4de3d.jpg?time=1718620246)
ئىسرائىلىيە غەززەگە ھېيتتىمۇ ھۇجۇملىرىنىمۇ داۋاملاشتۇرماقتا
ئىسرائىلىيە قۇربان ھېيت مەزگىلىدىمۇ غەززە رايونىغا ھۇجۇم قىلىشنى داۋاملاشتۇرماقتا.