amérika nigériyege urush ayropilanliri sétip béridu
amérika qoshma ishtatliri térrorluq teshkilati boko haramgha qarshi küreshte ishlitilish üchün nigériyege 12 dane urush ayropilani sétip bérish kélishimini qobul qildi.
türkiye awazi radiyosi xewiri: nigériye hawa armiyesi qomandani général sadiq ebubekri amérikining nigériye bash elchisi stuart simingtonning washingtonning urush ayropilanliri sétip bérish kélishimini maqullighanliqigha dir mektubini tapshurghanliqini eskertti.
bu dairide amérikining 12 dane « A-29 » tipliq urush ayropilani sétip bérish kélishimini maqullighanliqini qeyt qilghan ebubekri, sehrayi kebirning töwen qismigha jaylashqan afriqining bixeterlikini qoghdashta nigériyening istiratégiyelik ornining nahayiti muhimliqini eskertish bilen bir waqitta, boko haram we bashqa bixeterlik tehditlirini bir terep qilish üchün küresh qiliwatqanliqlirini tekitlidi.
urush ayropilanlirining qimmitining 593 milyon dollar ikenlikini, amérikining nigériyege qoral - yaragh we telim - terbiye jehettinmu yardem béridighanliqini éytqan ebubekri, urush ayropilanlirining 2018 – yili féwralning axirliri tapshurup bérilidighanliqinimu sözlirige ilawe qildi.
