фирансийәдә дөләтниң хизмәт биналирини чашқан бесип кәтти

түркийә авази радийоси хәвири: фирансийәдә ташқи ишлар вә ички ишлар министирлиқлириниң хизмәт биналири болуп дөләт орунлириға тәвә нурғун хизмәт биналирини чашқан бесип кәтти.

фирансийәдә чиқидиған France Info агентлиқиниң бу һәқтики хәвиригә асасланғанда, пайтәхт парижда мәйданға кәлгән чашқан истиласи министирлиқ биналириғиму кеңәйгән.

ички ишлар министирлиқиға тәвә хизмәт биналириға чашқан зәһәрлири қойулуп қисмақлар қурулған.  

қиш пәслиниң кириши билән тәң чашқанларниң биналарға киривалғанлиқи билдүрүлгән хәвәрдә, ташқи ишлар министирлиқиға тәвә бинаға тәдбир мәқсәтлик икки мүшүкниң қойуветилгәнлики уқтурулди.

« нои» вә « номи» исимлик мүшүкләрниң ташқи ишлар министирлиқиға тәвә бинани чашқанлардин қутқузуп қутқузалмайдиғанлиқи тоғрисида талаш-тартишлар пәйда болди.

париж шәһәрлик һөкүмити чашқанларни бир тәрәп қилиш үчүн бу йилниң бешидин башлап һәр җәһәттин хизмәт ишләп кәлгәнликини уқтурди.