yawropa ittipaqi k q k ni térrorluq teshkilatliri tizimlikidin chiqiriwetti

türkiye awazi radiyosi xewiri: yawropa ittipaqi komitéti bayanatchisi wirjinié battu, kolombiye tinchliq kélishimining imzalinishi bilen zorawanliq weqelirige xatime bergen kolombiye inqilabchi qoralliq küchlirining térrorluq teshkilatliri tizimlikidin chiqirilghanliqini uqturdi.

2002 – yilidin buyan yawropa ittipaqi térrorluq teshkilatliri tizimlikidin orun élip kéliwatqan kolombiye inqilabchi qoralliq küchliri, 2016 – yili séntebir éyida bu tizimlikidin waqitliq chiqirilghanidi.

kolombiye pirézidénti juan manuél santos bilen kolombiye inqilabchi qoralliq küchliri bashliqi rodrigo londono 2016 – yili 24 – noyabirda paytext bogotadiki tarixiy kolon tiyatirxansida kolombiye inqilabchi qoralliq küchliri bilen dölet arisidiki 50 yildin artuq dawamlashqan toqunushlargha xatime bergen tinchliq kélishimini imzalighanidi.

kolombiye inqilabchi qoralliq küchliri 2017 – yili 17 – martta 140 qoralini b d t  urush toxtitishni közitish we jezmleshtürüsh komitétigha ötküzüp bergen, bashqiche qilip éytqanda, 50 yildin halqighan toqunush tarixida tunji qétim qoral tapshurghanidi.