испанийәдә «мустәқиллиқ реферандуми киризиси»барғанчә кәскинләшмәктә

түркийә авази радийоси хәвири: испанийәниң шәрқигә җайлашқан каталонйада мустәқиллиқ һәрикәтлири сәвәблик йәрлик һөкүмәт билән испанийә һөкүмити оттурисида йүз бәргән сүркилишләр барғанчә кәскинләшмәктә.

испанийә һөкүмити, сот мәһкимилири вә тәптиш органлириниң қарариниң әксичә, 1-өктәбирдә мустәқиллиқ реферандуми өткүзидиғанлиқлирини җакарлиған һакимийәт бешидики каталонйа«җунтс пәл си» (мустәқиллиқ уйушмиси)иттипақи сәпәрвәрлик паалийити башлиди.

«җунтс пәл си» (мустәқиллиқ уйушмиси)иттипақи тарррагона шәһиридә елип барған сәпәрвәрлик паалийитини райондики башқа аммиви тәшкилатларму қоллиди.

«мәрһаба йавропа, мәрһаба җумһурийәт, мәрһаба дөлитимиз»дегән мәзмунда йезилған лозункилар есилған залда елан қилинған байанатта мундақ дейилди: «пүткүл дунйа һакиммутләқ бир дөләткә қарши күрәш қиливатқанлиқимизни пәрқ етишкә башлиди, биз тәһдит халимаймиз, бирақ қорқупму қалмаймиз, тарихни өзгәртишкә қурбимиз йетиду вә 1-өктәбирдә аваз беримиз.»

каталонйа аптоном һакимийити башлиқи карлес пуйдемонтму мундақ деди: «бәзиләр 1-өктәбирдә аваз берәлмәйғанлиқимизни ойлап қеливатиду, 1-өктәбирдә немә болиду дәп ойлап қалдиңлар? әлвәттә аваз беримиз, каталонйада биз демократийәни йақилиғучилармиз.»

испанийә һөкүмити реферандум билән сәпәрвәрлик паалийитиниң қанунсиз икәнликини уқтуруп, бу паалийәтләрни тәшкиллигүчиләрниң келип чиқидиған ақивитигә чоқум мәсул болуш билән агаһландурулғанлиқини билдүрди.

испанийә тәптиш идарилири  каталонйадики хәвпсизлик күчлиригә бу һәптә өткүзүлидиған сәпәрвәрлик паалийәтләригә тосалғу болушқа йолйуруқ бәргән болсиму, йәрлик һөкүмәт йаки мәркизий һөкүмәт сақчилириниң  паалийәтләргә арилашмаслиқи диққәт қозғиди.  

испанийә сот мәһкимиси мустәқиллиқ реферандумини тохтитиш үчүн йеңи қәдәмләрни ташлашни давмлаштурмақта.

барселона тәптиш идариси каталонйа парламенти тәрипидин мустәқиллиқ реферандуми үчүн бекитилгән сайлам кеңишиниң 5 әзаси үстидин әрз қилди.