трамп: боран - чапқун апитидә өлгәнләрниң сани наһайити аз
америка пирезиденти трамп ирма боран - чапқун апитидә қаза қилғанлар саниниң наһайити аз икәнликини ейтти.
түркийә авази радийоси хәвири: трамп ирма боран – чапқунида еғир талапәткә учриған флорида иштатида хизмәтләрни көздин кәчүрүш җәрйанида флорида хәлқара айродурумида бу һәқтә тохталғанда, апәттин кейин районға йетип берип, дәсләпки қәдәмдә издәш – қутқузуш паалийәтлиригә қатнашқан хизмәтчи хадимларға рәһмәт ейтти.
боран - чапқун апитидә 20 дин артуқ киши қаза қилған болушиға қаримай, боран – чапқунниң шиддәтлик икәнликини тәкитлигән трампниң: «апәт җәрйанида өлгәнләрниң сани наһайити аз» дегән сөзлири наразилиқ қозғиди.
америкиниң тексас иштатиға тәсир көрсәткән һарвей боран – чапқун апитидин кейин ирма боран – чапқун апитиму флорида иштанини еғир талапәткә учратқаниди.
пирезидент трамп «һарвей» намлиқ боран - чапқун апитидин кейинму тексасқа берип, издәш – қутқузуш паалийәтлирини көздин кәчүргәниди.
