шималий корейәниң йеңидин йадро бомбиси синақ қилишқа тәййарлиниватқанлиқи илгири сүрүлди
ахирқи қетим 3 – сентәбирдә йадро бомбиси синақ қилғандин кейин хәлқара җәмийәтниң еғир җазалириға учриған шималий корейәниң, йәнә бир қетим йадро бомбиси синақ қилишқа тәййарлиниватқанлиқи илгири сүрүлди.
807001
түркийә авази радийоси хәвири: америкидики җонс хопкинс университети мутәхәссислири, сүний һәмраһдин елинған фото – сүрәтләргә тайинип туруп, пийоңйаңниң йеңидин йадро бомбиси синақ қилишқа тәййарлиниватқанлиқини илгири сүрди. «The Telegraph» гезитиниң бу һәқтики хәвиридә көрситилишичә, мутәхәссисләр, 8 – сентәбирдә тартилған сүний һәмраһ фото – сүрәтлирини тәкшүрүш арқилиқ, 3 – сентәбирдики 6 – қетимлиқ синақ қилинған пуңгйе-ри йадро синиқи саһәсиниң җәнубидики (җәнубий дәрвазиси) қезиш – колаш үскүнилири билән йүк машинилирини ениқлап чиққан.
мутәхәссисләр йәнә, «ғәрбий дәрваза» дәп атилидиған йәнә бир йәр асти районидиму қошумчә паалийәтләрниң елип бериливатқанлиқини илгири сүрди.
