négiriyede térrorluq teshkilati boko haramdin 12 ming puqra qutquzuwélindi
négiriyede térrorluq teshkilati boko haramgha qarshi 8 yildin buyan dawamlishiwatqan küresh jeryanida 12 ming puqra qutquzuldi.
türkiye awazi radiyosi xewiri: négiriye dölet mudapie ministiri mansur dan eli élan qilghan bayanatida, négiriye armiyesining térrorluq teshkilatigha qarshi küreshlirini üzüldürmey dawamlashturghanliqini bildürüp, «amanliqni saqlash qisimliri 2009 – yilidin buyan 12 ming kishini térrorluq teshkilati boko haramdin qutqazdi» dédi.
térrorluq teshkilatidin qutquzup qilinghan kishilerning asasliq köp qismining ayallar we kichik balilar ikenlikini qeyt qilghan mansur dan eli, boko haramning yéqinqi 8 yildin buyan texminen 100 mingdin artuq kishining hayatidin ayrilishigha seweb bolghanliqini éytti.
négiriyede 2000 – yilining bashliridin buyan mewjutluqini dawamlashturup kelgen we rehbiri muhemed yüsüf türmide ölgendin kéyin, 2009 – yili omumiy yüzlük zorawanliq heriketlirini bashlighan boko haram teshkilati, nurghun kishining hayatidin ayrilishigha jawabkar dep qaralmaqta.
térrorluq teshkilati boko haram aldinqi yilidin buyan zorawanliq paaliyetlirini qoshna döletlerdin kamérun, benin, jad we négirge yüzlendürgen ehwalda turmaqta.
