malayshiya bilen shimaliy koréyening munasiwiti barghanche yirikleshmekte

türkiye awazi radiyosi xewiri: shimaliy koréye pirézidénti kim jung unning ögey akisining malayshiyada öltürülüshi ikki dölet munasiwetlirining téximu yirikliship kétishige seweb boldi.

kim jung unning ögey akisi kim jung namni öltürüsh bilen eyiblgen 2 ayal, bu weqeni kaméra chaxchiqi dep oylap qalghanliqlirini, shunga özlirining tuzaqqa dessitilgenlikini ilgiri sürmekte.

shimaliy koréye pirézidéntining ögey akisi kim jung nam, hakimiyetning siyasitini tenqid qilatti.

kim jung nam bu yil 13-féwralda kuala lumpur ayrodurumida yénigha kelgen 2 ayal teripidin zeherlik gaz bilen öltürülgenidi.

nazaret astigha élinghan biri wéytnamliq, yene bir hindonéziyelik bolghan bu 2 ayal, kaméra chaxchiqi ikenlikini oylap qélip weqede rol alghanliqlirini ilgiri sürmekte.

bu ayallar 90 dollar bedilige kaméra chaxchiqi widéosida rol élishni qobul qilghanliqlirini ilgiri sürüshti.

malayshiya saqchiliri gumandar ayallarning birining zeherlik gazning tesirige uchrap qusqanliqini uqturdi.

saqchilar kuala lumpur ayrodurumida keng kölemlik tekshürüsh élip barmaqta.

ayrodurumda bashqa zeherlik ximiyiwi madda bar yaki yoqliqi üstidimu tekshürüsh élip bérilmaqta.

bu jinayet shimaliy koréye bilen malayshiya munasiwetlirini sezgür nuqtigha keltürüp qoydi.

malayshiya dairiliri diplomatik salahyiti bolghan shimaliy koréyelik bir diplomatni chaqirtip weqe toghruluq izahat bérishni telep qildi.

malayshiya saqchiliri izahat bérishni qetiy ret qilghanliqi üchün tutush buyruqi chiqirilip, diplomatning mejburiy sot mehkimisige élip kélinidighanliqini bildürdi.

malayshiyaliq mesullar 4 shimaliy koréyelikning bu ikki ayalgha zeherlik gaz yetküzüp bergenlikini bildürdi.