әнглийә миқийасида доналд трампниң виза пәрманиға қарши намайиш өткүзүлди
әнглийәниң нурғун шәһәрлиридә доналд трампниң виза пәрманиға наразилиқ билдүрүлүп намайиш өткүзүлди.
түркийә авази радийоси хәвири: америка қошма иштатлири пирезиденти доналд трампниң 7 мусулман дөләтниң пуқралириниң америкиға киришини чәкләшни қарар қилиши әнглийәдиму наразилиққа учриди.
лондон болуп нурғун шәһәрдә трампқа қарши өткүзүлгән намайишларға нурғун киши қатнашти.
иҗтимаий таратқулар арқилиқ тәшкилләнгән намайишқа қатнишиш үчүн нурғун киши лондондики баш вәзирлик бинаси алдиға йиғилди.
намайишқа ирқчилиққа қарши болған аммиви тәшкилатлардин сирт әнглийә парламентиниң бәзи әзалири билән сәнәт вә тәнтәрбийә дунйасидики мәшһур шәхсләрму қатнашти.
доналд трампниң қаттиқ наразилиқ пәйда қилған виза бәлгилимиси пәрманиға наразилиқ билдүргән намайишчилар баш вәзир тереса майниң өткән һәптики вашингитон зийаритини тәнқид қилишти. әнглийәниң 30 шәһиридиму буниңға охшаш намайишлар өткүзүлди.
канададиму трампниң виз бәлглимиси пәрманиға наразилиқ билдүрүлүп намайиш өткүзүлди.
