amérikida ikki ayropilan hawada soqulup kétip, 5 kishi qaza qildi
amérika qoshma ishtatlirining alaska ishtatida ikki kichik ayropilanning hawada soqulup kétishi netijiside 5 kishi hayatidin ayrildi.
türkiye awazi radiyosi xewiri: melumatlargha qarighanda, üch kishi olturghan « Cessna 208 Caravan» tipliq ayropilan bilen alaqe üzülüp qalghandin kéyin, alaska dölet xewpsizlik küchliri rayonda izdesh - qutquzush paaliyetlirini ishqa kirishtürgen.
del shu minutlarda ikki kishi olturghan « Piper PA-18 Super Cub» tipliq ayropilan bilenmu alaqe üzülüp qalghan bolup, bu ayropilanlar bir - birige soqulup ketken.
izdesh - qutquzush paaliyetliri netijiside ikki ayropilanning qalduqliri béthél shehirining texminen 100 kilométir shimalidin tépilghan.
qaza yüz bergen chaghda hawa ochuq bolup, bu ikki ayropilanning némishqa soqulup ketkenliki hazirche éniq emes iken.
weqening kélip chiqish sewebini éniqlap chiqish üchün qatnash we bixeterlik orgini etretliri rayongha ewetilgen.
