24.06.2020

түркийә авази радийоси: германийәниң «‹Deutsche Welle› хәвәрләр тори», «германийәлик вирусшунас алимдин иккинчи басқучлуқ <вухән вируси> агаһландуруши» сәрләвһилик хәвиридә төвәндики мәлуматларни оқурмәнлириниң диққитигә сунди:

германийәниң даңлиқ вирусшунас алимлиридин пирофессор доктор кристиан дростен, иккинчи басқучлуқ «вухән вируси» тоғрулуқ агаһландуруш берип мундақ деди: «икки ай ичидә наһайити чоң вирус киризисигә дуч келишимиз мумкин.»

германийәдә чиқидиған «‹Frankfurter Allgemeine Zeitung› гезити», германийәниң 1 – ийулдин башлап йавропа иттипақиниң нөвәтчи рәислик вәзиписини өтәйдиғанлиқини йазди.

фирансийәдә чиқидиған «‹ле монде›  гезити» (Le Monde), «вухән вируси» ваксинисини тәтқип қилип йасаш паалийәтлиридә риқабәтниң адәттин ташқири дәриҗидә көп, әмма тәҗрибиханилар ара йардәмниң йетәрсиз икәнликини оқурмәнлири билән ортақлашти.

фирансийәниң «‹France 24› телевизийә қанили», америка қошма иштатлирида «вухән вируси» билән йуқумланғанлар саниниң қорқунчлуқ сәвийәдә көпийип кетиватқанлиқини, латин америкада йуқум сәвәбидин қаза қилғанлар омумий саниниң 100 миңдин ешип кәткәнликини хәвәр қилди.

фирансийәдә чиқидиған «‹Le Parisien› гезити», сақчи зораванлиқ мәсилисидә бир милйон киши имзалиған бир мәктупниң фирансийә пирезиденти еммануел макронға йоллғанлиқини йазди.

қатарниң «‹Al Jazeera› телевизийә қанили», сүрийә һөкүмити, исраилийәниң, һама, әссувәйдә вә  дир әззур қатарлиқ районларға қилған һуҗумлирида адәм өлүш вә йарилиниш әһвалиниң көрүлгәнликини билдүрди.

ийорданийәдә чиқидиған «‹әддустур› гезити», әрәб әллири ташқи ишлар министирлириниң ливийәниң бирлики, игилик һоқуқи вә земин пүтүнлүкини қоғдашқа тиришидиғанлиқлири тоғрулуқ вәдә бәргәнликини оқурмәнлири билән ортақлашти.

испанийәдә чиқидиған «‹El País› гезити», испанийәда һөкүмәт билән өктичиләрниң, җиддий һаләттин кейинки басқучтики хәвпниң алдини елиш тәдбирлирини өз ичигә алған «күндилик һайатта йеңидин нормаллишиш» қарарнамиси вә «йеңи сәһийә хизмәтлири келишими» ни имзалаш алдида туруватқанлиқини оқурмәнлириниң диққитигә сунди.

испанийәдә чиқидиған «‹El Mundo› гезити», «вухән вируси» ға қарши күрәш тәдбирлири сәвәбидин испанийәгә қарашлиқ 4 чоң арал балер араллиридики 10 чоң меһмансарайдин пәқәт 4 иниңла ечилидиғанлиқини йазди.

венесуелада чиқидиған «‹TeleSur› гезити», бирләшкән дөләтләр тәшкилатидин бир һәйәтниң, венесуеладики «вухән вируси» ға қарши күрәш тәдбирлирини көздин кәчүрүш үчүн бу дөләткә кәткәнликини хәвәр қилди.

русийәниң «‹Rossiyskaya Gazeta› хәвәрләр тори», бүгүн москвада «зәпәр күни» ни тәбрикләш паалийәтлириниң өткүзүлидиғанлиқини, русийәниң әң илғар һәрбий әслиһәлирини пүткүл дунйаға намайән қилидиғанлиқини йазди.

русийәниң «‹Lenta.ru› хәвәрләр тори», германийәниң 22 – ийун күни русийәгә йүзләрчә тоннилиқ йадро қалдуқлирини әвәткәнликини оқурмәнлири билән ортақлашти.

русийәниң «‹1 – қанал› телевизийәси», русийә пирезиденти виладимир путинниң 2024 – йилидин кейин қайтидин пирезидент намзати болидиғанлиқи тоғрулуқ сигнал бәргәнликини хәвәр қилди.