29.08.2019

 түркийә авази радийоси: сәуди әрәбистанда ингилизчә чиқидиған «әлшәрқ әләвсат гезити», америка пирезиденти доналд трампниң баш мәслиһәтчиси «тинчлиқ пилани» ниң, исираилийә сайламлиридин бурун елан қилинмайдиғанлиқини ейтқанлиқини елан қилди.

 қатарда чиқидиған «әлрайа әлқатариййа гезити», күвәйт һөкүмитиниң исираилийә ишғали ахирлашмай туруп, исираилийә-әрәб тоқунишиға һәл қилиш чариси тепилмайдиғанлиқини билдүргәнликини хәвәр қилди.

ливанда чиқидиған «әлһайат гезити», ливан армийәси исираилийәниң учқучисиз һава аппаратини оққа тутқанлиқини хәвәр қилди.

германийәдә чиқидиған «тагешпигел гезити» (Tagesspiegel), германийәдә көчмәнләргә нисбәтән гуманлинишниң азийиватқанлиқини хәвәр қилди.

германийә авази радийоси, йавропа иттипақиниң биразилийә пирезиденти болсонароға қаримай, җәнубий америка ортақ базири келишими түзүшкә алдираватқанлиқини хәвәр қилди.

германийәниң «веб.де» тори (Web:de), гиретсийә баш министири кйрийакос митсотакис (Kyriakos Mitsotakis) ниң германийәни зийарәт қилип, баш министир ангела меркел билән көрүшидиғанлиқи вә асаслиқ күнтәртип маддисиниң «төләм мәсилиси» болидиғанлиқини хәвәр қилди.

аргентинада чиқидиған «инфобийә гезити» (Infobae), аргентинаниң хәлқара пул фонди тәшкилатидин қәрзлирини қайтидин музакирә қилишни тәләп қилғанлиқини хәвәр қилди.

испанийәдә чиқидиған «ел мундо гезити» (El Mundo), әнглийә баш вәзири борис җонсон өзиниң йавропа иттипақидин чекиниш пиланини иҗра қилиш үчүн парламентқа қарши һәрикәткә өткәнликини елан қилди.

испанийәдә чиқидиған «ел паис гезити», биразилийәниң қандақ ишлитишни өзи қарар қилалиған әһвалда амазон орманлиридики отни өчүрүшкә қилинидиған хәлқаралиқ йардәмни қобул қилишқа тәййар икәнликини йазди.

русийәдә чиқидиған «коммерсант гезити» (Kommersant), түркийә җумһур рәиси рәҗәп таййип әрдоғанниң «F-35» орниға «Su-57» сетивелишниң еһтималдин сирт әмәсликини ейтқанлиқини хәвәр қилди.

русийәдә чиқидиған «известийа гезити» (İzvestiya), америка пирезиденти доналд трампниң украинаға қилиниватқан һәрбий йардәмни қайтидин көздин кәчүрүшни тәләп қилғанлиқини вә һәрбий йардәмниң вақитлиқ тохтитилғанлиқини хәвәр қилди.

фирансийәдә чиқидиған «ле фигаро гезити» (Le Figaro), биразилийә пирезиденти болсонарониң амазон орманлиридики отни өчүрүштә, фирансийә пирезиденти макронниң кәйнигә чекинишини тәләп қиливатқанлиқини хәвәр қилди.

фирансийәдә чиқидиған «ле монде гезити», әнглийә баш вәзири борис җонсонниң парламентни тохтитип, йавропа иттипақидин чекиниш киризисини техиму чоңқурлаштурғанлиқини хәвәр қилди.

белгийәдә чиқидиған «лөсва гезити» (Le Soir), биразилийә пирезиденти болсонарониң фәйсбукта фирансийә пирезиденти макронниң айалиға қаритип йазған көңүлни рәнҗитидиған инкасини өчүрүвәткәнликини хәвәр қилди.