24.04.2019
чәт әл мәтбуатлиридин таллап тәййарлиған қисқичә хәвәрлиримиз төвәндикичә:
германийә авази радийоси, сири ланкада йүз бәргән вә 350 дин артуқ адәмниң өлүшигә сәвәб болған һуҗумға, террорлуқ тәшкилати даешниң җавабкар болидиғанлиқини елан қилғанлиқини хәвәр қилди.
сәуди әрәбистанда чиқидиған «әлшәрқ әләвсат гезити» (Alsharq Alawsat), исираилийә баш министири нетанйаһуниң голан егизликидики бир туралғу райониға трампниң намини бәргәнликини хәвәр қилди.
қатарда чиқидиған «әлрайа әл қатариййа гезити» (Al-Raya Al-Katariya), сәуди әрәбистанниң икки айдин буйан һечқандақ сәвәб көрсәтмәстин ийорданийәлик бир журналистни түрмигә қамап қойғанлиқини хәвәр қилди.
ливанда чиқидиған «әлһайат гезити», мисирниң суданниң нөвәттики вәзийити музакирә қилинидиған африқа әллири иттипақи йиғиниға саһибханлиқ қилидиғанлиқини хәвәр әқилди.
германийәниң «спейгел онлайн тор бети», германийә баш министири ангела меркелниң украина сайлимида ғәлибә қилған селенскйни (Selensky) германийәгә тәклип қилғанлиқини хәвәр қилди.
чилида чиқидиған «ла терсера гезити» (La Tercera), чили пирезиденти пинераниң хитай дөләт рәиси ши җинпиң билән көрүшкәнликини хәвәр қилди.
русийәниң бир интернет тор бети, американиң «S-400» ләр сәвәбидин түркийәдики һәрбий базилирини гиретсийәгә йөткәш мумкинлики барлиқини хәвәр қилди.
русийәниң «тас агентлиқи» (TASS), шималий корейә рәһбири ким җоңунниң русийәниң владивосток шәһиригә пойиз билән баридиғанлиқини хәвәр қилди.
русийәниң «обзор прес тор бети» (Obzor press), русийә пирезиденти путинниң украинада сайламда ғәлибә қилған селенскйни тәбрикләшкә техи балдурлуқ қилидиғанлиқини ейтқанлиқини хәвәр қилди.
фирансийәдә чиқидиған «либерийшин гезити» (Libération), америка пирезиденти доналд трампниң иранға нефит ембаргосини йолға қойғанлиқини хәвәр қилди.
фирансийәдә чиқидиған «ле фигаро гезити» (Le Figaro), хусусий ширкәтләрдә ишләйдиғанларниң йериминиң айда 1789 йавродин көп мааш алидиғанлиқини хәвәр қилди.
«а р д телевизийәси» (ARD), сири ланка пирезиденти сирисена (Sirisena) хәвпсизлик органлири игә болған истихбаратларни өзи билән ортақлашмиғанлиқи үчүн, сақчи вә хәвпсизлик органлирини қайтидин тәшкилләйдиғанлиқини ейтқанлиқини хәвәр қилди.
