مالٹا: ہم درست وقت آنے پر فلسطین کو تسلیم کر لیں گے

مالٹا نے کہا ہے کہ "ہم درست وقت آنے پر فلسطین کو سرکاری سطح پر تسلیم  کر لیں گے"۔

روزنامہ ٹائمز آف مالٹا نے کہا ہے کہ اسپین، آئرلینڈ اور ناروے نے 28 مئی کو فلسطین کو سرکاری سطح پر تسلیم کرنے کا اعلان کیا ہے اور اس اعلان  کے بعد ، قبل ازیں اس معاملے میں اہم اقدامات  کرنے کی وجہ سے، نگاہیں  مالٹا پر مرکوز ہو گئی ہیں۔

موضوع سے متعلق اخباری نمائندوں کے لئے جاری کردہ بیان میں مالٹا کے حکومتی ترجمان نے کہا ہے کہ "درست وقت آنے پر ہم فلسطین کو تسلیم کرنے پر تیار ہیں۔ ہم سمجھتے ہیں کہ اس اقدام سے مالٹا، مسئلے کے حل میں، مثبت کردار ادا کرسکے گا۔ اس حوالے سے حکومت جلد ہی کسی موزوں وقت کا تعین کرنے کے لئے مشرق وسطی کے حالات پر نگاہ رکھے ہوئے ہے"۔

واضح رہے کہ یورپی یونین کے کمشنر برائے خارجہ تعلقات و سلامتی پالیسی جوزف بوریل نے 9 مئی کو اسپین ریڈیو کے لئے جاری کردہ بیان میں کہا تھا کہ اسپین، مالٹا، آئرلینڈ اور سلووینیا فلسطین کو تسلیم کریں گے۔

مالٹا، فلسطین۔اسرائیل مسئلےکے دو حکومتی حل کا حامی ہے اور اس نے 7 اکتوبر کے بعد اقوام متحدہ کی جنرل کمیٹی کے، غزّہ میں پائیدار فائربندی سے متعلق ،فیصلہ بِل کی بھی حمایت کی تھی۔