برطانیہ :جزائر جرسی میں ایک عمارت میں دھماکہ،5 افراد ہلاک

برطانوی تاج کے ماتحت شمالی فرانس کے قریب چھوٹے جزائر پر آباد ملک بیلیک آف جرسی آئی لینڈز کی پولیس اور امدادی حکام کا کہنا ہے کہ دھماکے سے تین منزلہ عمارت مکمل طور پر تباہ ہو گئی ہے۔

امدادی حکام کا کہنا ہے کہ عمارت میں رہائش پذیر 5 افراد ہلاک ہوگئے ہیں اور ملبے سے کسی کے زندہ ملنے کی امید دم توڑ چکی ہے۔

جرسی جزائر کے پولیس چیف کا کہنا ہے کہ واقعہ کسی مجرمانہ حرکت کا نتیجہ ہے یا حادثہ اس بارے میں فی الحال کچھ نہیں کہا جا سکتا۔

انہوں نے کہا کہ واقعے کی آزادانہ تحقیقات کی جا رہی ہیں ہم کوئی بھی اندازہ قائم نہیں کر رہے نہ ہی کسی پہلو کو نظر انداز کیا جائے گا، واقعے کی ہر پہلو سے تحقیقات کی جائیں گی۔