رومانیہ میں ہیلی کاپٹر گر کر تباہ،7 فوجی ہلاک

رومانیہ کا  ایک مگ 21 فوجی ہیلی کاپٹر گر کا تباہ ہو گیا ہے، ہیلی کاپٹر میں سوار 7 فوجی ہلاک ہو گئے ہیں۔

ابتدائی معلومات کے مطابق، خراب موسمی حالات کے باعث ہیلی کاپٹر کو حادثہ پیش آیا، حکام نے بتایا کہ گزشتہ روز مشرقی رومانیہ میں بحیرہ اسود کے قریب لاپتہ لڑاکا طیارے اور اس کے پائلٹ کی تلاش کے دوران ان کا ہیلی کاپٹر گر کر تباہ ہونے سے  فوجی اہلکار ہلاک ہو گئے ہیں۔

عملے کے پانچ ارکان کے علاوہ رومانیہ کی بحریہ کے دو سمندری امدادی اہلکار بھی جہاز میں سوار تھے، ہیلی کاپٹر لڑاکا طیارے کی تلاش کر رہا تھا، کچھ ہی دیر بعد اس کا کنٹرول ٹاور سے رابطہ منقطع ہو گیا اور ریڈار سے غائب ہو گیا۔

وزارت کے ترجمان کے مطابق، پائلٹ نے موسم کی خراب صورتحال کی اطلاع دی تھی اور اسے اڈے پر واپس جانے کا حکم بھی دیا گیا تھا تاہم، ان کا کہنا تھا کہ ممکنہ وجوہات پر بات کرنا قبل از وقت ہے۔ یقیناً، ناموافق موسمی حالات تھے، لیکن ہم ابھی تبصرہ نہیں کر سکتے۔

انہوں نے بتایا کہ ہم نے تفتیش کے دو کمیشن قائم کیے ہیں۔

 یاد رہے کہ سن 2018 میں بھی رومانیہ کی فضائیہ کا ایک پائلٹ اس وقت ہلاک ہو گیا جب اس کا MiG21 لانسر لڑاکا طیارہ ملک کے جنوب مشرق میں ایک ایئر شو کے دوران گر کر تباہ ہو گیا۔