سویڈن کے شاہ کی اپیل: گھر میں رہیں، یہ ایک چھوٹی سی قربانی ہے، اپنے بچوں کو سوچیں
سول حالتِ جنگ کا آغاز ہو گیا ہے، اس دفعہ ایسٹر کی چھٹیاں گھر پر گزاریں، یہ ایک چھوٹی سی قربانی ہے، اپنے کنبے اور اپنے بچوں کو سوچیں: شاہ کارل گسٹاف
سویڈن کے شاہ کارل گسٹاف نے کورونا وائرس کی وجہ سے ایسٹر کے موقع پر عوام سے گھروں میں رہنے کی اپیل کی ہے۔
کارل گسٹاف کورونا وائرس کی وجہ سے دارالحکومت اسٹاک ہوم سے باہر فلین شہر کے پیلس میں ہیں جہاں سے انہوں نے قوم سے خطاب کیا ہے۔
خطاب میں انہوں نے کہا ہے کہ سول حالتِ جنگ کا آغاز ہو گیا ہے۔ آئندہ دنوں میں ایسٹر کی چھٹیاں آ رہی ہیں۔ سال بھر سے ان چھٹیوں کے منتظر لوگوں کی خواہش ہوتی ہے کہ کہیں سیرو سیاحت کے لئے جائیں یا پھر اپنے کنبے یا دوستوں کے ساتھ خوبصورت وقت گزاریں۔ لیکن اس دفعہ ایسٹر کی چھٹیوں میں ایسا نہیں ہو گا کیوں کہ کووِڈ۔19 وباء کی وجہ سے آپ کا گھر میں رہنا ضروری ہے۔
شاہ گسٹاف نے کہا ہے کہ آپ میں سے زیادہ تر کے لئے یہ چیزالجھن اور بے چینی کا سبب بن سکتی ہے۔ لیکن یہ ایک چھوٹی سی قربانی ہے۔ آپ کو اپنے کنبے اور اپنے بچوں کو سوچنا چاہیے۔
انہوں نے کہا ہے کہ میں 30 اپریل کو 74 سال کا ہو رہا ہوں۔ اپنی عمر میں میں نے ایک چیز سیکھی ہے کہ بحران خواہ کیسا ہی طویل کیوں نہ ہو آخر کار ختم ہو جاتا ہے۔
متعللقہ خبریں
![روس یوکرین تنازعے سمیت سلامتی کے معاملات پر امریکہ سے مذاکرات کر سکتا ہے، پیسکووف](http://cdn.trt.net.tr/images/medium/rectangle/1617/95cc/d0ae/65fc4002c762d.jpg?time=1719080354)
روس یوکرین تنازعے سمیت سلامتی کے معاملات پر امریکہ سے مذاکرات کر سکتا ہے، پیسکووف
"ہم جو تعاون تجویز کرتے ہیں وہ کسی تیسرے ملک کے خلاف نہیں ہے"
![روس نے کل شب یوکرین کی طرف سے بھیجے گئِے 114 ڈراونز کو تباہ کر دیا](http://cdn.trt.net.tr/images/medium/rectangle/f399/928b/87bc/66756a7f93495.jpg?time=1719080354)
روس نے کل شب یوکرین کی طرف سے بھیجے گئِے 114 ڈراونز کو تباہ کر دیا
کیف انتظامیہ نے کل رات روسی سرزمین پر موجود عناصر پر حملہ کرنے کی کوشش کی