نیوزی لینڈ: جنگل کی آگ قابو سے باہر، ہنگامی حالات کا اعلان کر دیا گیا

نیوزی لینڈ کے جنوبی جزیرے کے شہر نیلسن  کے جوار میں جنگل کی آگ  کے لئے ہنگامی حالات کا اعلان کر دیا گیا ہے۔

ریڈیو نیوزی لینڈ کی خبر کے مطابق ملک کے جنوبی جزیرے کے شہر نیلسن کے علاقے کبوتروں کی وادی سے شروع ہو کر ٹسمان کے علاقے تک تقریباً ایک ہزار 780 ہیکٹر اراضی پر پھیلی جنگل کی آگ  تاحال قابو سے باہر ہے جس کی وجہ سے بلدیہ نے ہنگامی حالات کا اعلان کر دیا ہے۔

کبوتروں کی وادی سے 170 گھروں کے رہائشیوں کو محفوظ مقامات پر منتقل کر دیا گیا ہے۔

علاوہ ازیں علاقے کے حیوانات کی محفوظ مقامات پر منتقلی کا عمل جاری ہے۔

آگ کے نتیجے میں تاحال کسی جانی نقصان کی اطلاع موصول نہیں ہوئی۔

سولہ ہیلی کاپٹروں، فائر بریگیڈ اور بھاری مشنری کی مدد سے آگ بجھانے کا کام جاری ہے لیکن  تاحال آگ پر قابو نہیں پایا جا سکا۔

ٹسمان بلدیہ کی طرف سے جاری کردہ اعلامیے میں شہروں کو متنبہ کیا گیا اور ٹسمان سول ڈیفنس، نیلسن بلدیہ اور ٹسمان  ریجنل کونسل کے سوشل میڈیا  صفحات سے اور ریڈیو سے جاری کئے گئے بیانات اور معلومات پر نگاہ رکھنے کی اپیل کی گئی ہے۔