برطانوی وروسی حکام میں تندوتیزکلمات کا تبادلہ،وزیر خارجہ جانسن نے پوٹن کو ہٹلر کہہ دیا

برطانوی ارکان پارلیمان کے سوالوں کے جواب میں وزیرخارجہ  بورس جانسن نے کہا کہ جس طرح ہٹلر نے اولمپکس کو استعمال کیا تھا اسی طرح پوٹن بھی فٹبال ورلڈ کپ کو استعمال کررہے ہیں

935101
برطانوی وروسی حکام میں تندوتیزکلمات کا تبادلہ،وزیر خارجہ جانسن نے پوٹن کو ہٹلر کہہ دیا

برطانوی ارکان پارلیمان کے سوالوں کے جواب میں وزیرخارجہ  بورس جانسن نے روسی صدر کا آڈالف  ہٹلر سے موازنہ کرتے ہوئے کہا کہ جس طرح ہٹلر نے اولمپکس کو استعمال کیا تھا اسی طرح پوٹن بھی فٹبال ورلڈ کپ کو استعمال کررہے ہیں۔

بورس جانسن نے کہا کہ روسی صدر فیفا ورلڈکپ کی میزبانی کے ذریعے اپنے ملک کا مقام اونچا کرنے کی کوشش کررہے ہیں یہ ایسا ہی ہے جیسا ہٹلر نے نازی جرمنی میں اولمپکس کی میزبانی کرکے اپنی ساکھ بہتر بنانے کی کوشش کی تھی۔

 انہوں نے کہا کہ ماسکو کا ورلڈکپ کی میزبانی کو کردارسازی کے لیے استعمال کرنے کا موازنہ 1936میں ہونے والے اولمپکس سے کرنا بالکل درست ہے۔

واضح رہے کہ اس وقت برطانیہ اور روس کے درمیان کشیدگی پائی جاتی ہےبرطانیہ نے روس کے 23سفارتکاروں کو ملک بدر کردیا جس کے جواب میں ماسکو نے بھی برطانوی سفارتکاروں کو ملک سے نکل جانے کا حکم دیا ۔

روس فٹبال کے عالمی کپ کی میزبانی کررہا ہے جو کہ رواں سال جون اور جولائی میں منعقد ہوگا  جبکہ برطانوی وزیراعظم پہلے ہی واضح کرچکی ہیں کہ برطانیہ کا کوئی بھی وزیر اور شاہی خاندان کا رکن اس تقریب  میں احتجاجاً شریک نہیں ہوگا۔

 



متعللقہ خبریں