قوی اُمید ہےکہ مخلوط حکومت بنانے میں کامیابی ملے گی: مرکل

جرمن چانسلر انگیلا مرکل نے گزشتہ روز حکومت سازی کے لیے مذاکرات میں کامیابی کی امید ظاہر کی ہے۔

 چانسلر مرکل کی جماعت کرسچن ڈیموکریٹک یونین سی ڈی یو، باویریا صوبے میں اپنی  زیریں جماعت کرسچن سوشل یونین اور  سی ایس یو کے ساتھ مل کر ملک کی دوسری سب سے بڑی جماعت سوشل ڈیموکریٹک پارٹی اور  ایس پی ڈی کے ساتھ حکومت سازی کے مذاکرات کے لیے بات چیت کر رہی ہے۔

  گزشتہ  روز مذاکرات کے لیے سوشل ڈیموکریٹک پارٹی کے مرکزی دفتر پہنچنے پر صحافیوں سے بات چیت میں مرکل نے کہا کہ اُن کے نزدیک یہ مذاکرات کامیاب ہوں گے اور اس کے لیے تیزی سے اور بھرپور  طریقے  سے مل کر کام کیا جائے گا۔