بوسنیا کےقصائی راٹکو ملاڈچ کو عمر قید کی سزا

بوسنیا کے سابق فوجی کمانڈر راٹکو ملاڈچ کو  بوسنیا میں ہزاروں مسلمانوں کی نسل کشی اور جنگی جرائم کی پاداش میں عمر قید کی سزا سنائی گئی ہے۔

یورپی یونین کے وزیر اور چیف نیگوشیٹر عمر چیلیک نے کہا ہے کہ سربی کمانڈر کو دی جانے والی عمر قید کی سزا ہلاک ہونے والوں کے لواحقین کے دلوں کو کچھ حد تک تسکین پہنچائے  گی  انھوں ننے اس  تمنا کا اظہار کیا کہ ۔سربی  کمانڈر راٹکو ملاڈچ کو دی جانے والی سزا  ان  جیسےسنگین جرائم سر زد کرنے والوں کے لیے مثال تشکیل دے گی ۔

ہالینڈ کے شہر دی ہیگ میں  بین الاقوامی عدالتِ انصاف نے بوسنیا کے جنگی جرائم کے ٹربیونل میں 74 سالہ ملاڈچ کو سزا سناتے ہوئے کہا کہ انہوں نے بوسنیائی علاقے سربرینکا کی قتلِ عام میں ’ اہم کردار‘ ادا کیا تھا۔

 عالمی عدالت انصاف نے پہلے یہ فیصلہ سنایا تھا کہ سربرینکا میں 8000 مسلمان مردوں اور نوجوانوں کا قتل جان بوجھ کر کیا گیا جسے نسل کشی کہا جاسکتا ہے۔ تاہم بدھ کی سماعت میں جج الفونس اورے نے کہا کہ مجرموں نے جو ظلم ڈھائے ان کا مقصد وہاں مسلمانوں کا خاتمہ تھا۔

جج نے فیصلہ سناتے ہوئے کہا کہ ملاڈچ نے بوسنیا کے شہر سرائیوو میں مسلمانوں پر گولہ باری اور انہیں گھات لگا کر  قتل کرنے کے عمل کی نگرانی خود کی تھی۔ یہ جرائم انسانیت کے خلاف سنگین ترین جرائم میں سے  ہیں ۔

 واضح رہے کہ راٹکو ملاڈچ کو دنیا بھر میں بوسنیا کا قصائی کہا جاتا ہے۔ نوے کی دہائی میں اس کی سربراہی میں سربیا کی فوج نے ہزاروں مسلمانوں کا قتل عام اور خواتین کی آبروریزی کی تھی۔