پولش صدر نے عدالتی اصلاحات کی ترامیم مسترد کر دیں

پولش صدر آندرےڈُوڈا نے آج ملکی پارلیمان سے منظور کی جانے والی متنازعہ عدالتی اصلاحات کی دو دستوری ترامیم کو  مسترد کر دیا ہے۔

 پولینڈ کے ایوانِ بالا سینیٹ نے عدالتوں میں اصلاحات لانے کے قانون میں ترامیم کی منظوری گزشتہ ہفتے  دی تھی۔

 پولینڈ میں ہزاروں افراد نے اس حکومتی اقدام کی مخالفت میں احتجاجی مظاہروں میں شرکت بھی کی تھی۔

 ناقدین کا خیال ہے کہ پولینڈ کی قدامت پسند حکومت ملکی عدلیہ کی آزادی کو کنٹرول کرنے کی کوشش میں ہے۔

یاد رہے کہ  اس دستوری پیش رفت پر یورپی یونین نے پولینڈ کو تادیبی اقدامات سے متنبہ کر رکھا ہے۔