زیورخ، مسجد پر حملے مین تین نمازی زخمی

سوئس شہر    زیورخ میں "اسلام چس    سنٹرم"  جامع  مسجد      پر مسلح   حملے میں  تین افراد زخمی ہو گئے۔

کل شام  پیش آنے والے  حملے کے بعد  پولیس نے   مسجد کے جوار  کی سڑکوں  کی ناکہ بندی کرتے ہوئے  وسیع پیمانے کا آپریشن  شروع کر دیا۔

علاقے کی تلاشی لینے والی پولیس نے    مسجد سے تین سو میٹر کے  فاصلے پر    واقع    ایک پُل کے جوار سے    ایک  نعش اور    پستول  برآمد   کیا۔  پولیس  نے مردہ   شخص  کی   شناخت اور   مذکورہ حملے   سے اس کے   تعلق  کے حوالے سے کسی قسم کا بیان  جاری نہیں کیا۔

  اس واقع کی تحقیقات   کرنے والے   ایک پولیس اہلکار نے اناطولیہ ایجنسی  کے  نمائندے کو بتایا ہے کہ اس ضمن میں   آج تفصیلی  معلومات   فراہم کی جائینگی۔

واضح رہے کہ زیورخ محکمہ پولیس کے ترجمان      نے  اعلان  کیا تھا کہ  نامعلوم    حملہ آور نے  مسجد میں داخل ہوتے ہوئے    فائرنگ کی  جس کے نتیجے میں   تین شخص زخمی ہو گئے ہیں  جن میں  سے دو کی حالت تشویش ناک ہے۔ یہ بھی  بتایا  گیا ہے کہ    زخمیوں کا تعلق    صومالیہ سے ہے۔