مرکل کی پارٹی کو صوبائی انتخابات میں زبردست شکست کا سامنا

جرمن چانسلر انگیلا مرکل کی کرسچن ڈیموکریٹک  پارٹی  کو صوبہ  میکلین برگ فورپومیرن  کے انتخابات میں زبردست شکست کا سامنا کرنا پڑا ہے۔

گزشتہ روز ہونے والی رائے دہی  کے نتائج سامنے آنے کے بعد معلوم ہوا ہے کہ مہاجرین مخالف جماعت، اےایف ڈی نے سی ڈی یو سے زیادہ ووٹ حاصل کیے ہیں۔

 اے ایف ڈی نے 20٫8 فیصد جبکہ سی ڈی یو  نے 19 فیصد ووٹ حاصل کیے۔

 اس  مشرقی صوبے  میں سوشل ڈیموکریٹس کو اکثریت حاصل رہی اور اس نے 30٫6 فیصد ووٹ حاصل کیے۔

 امید ہے کہ  اب  سی ڈی یو اور ایس پی ڈی مل کر حکومت بنا سکتے ہیں تاہم اے ایف ڈی کی شاندار کارکردگی نے ایک بار پھر جرمنی میں مرکل کی مہاجرین دوست پالیسیوں کے خلاف بڑھتے جذبات کی عکاسی کی ہے۔