ترکی : نئے آئین کی تشکیل کی تجویز قومی اسمبلی میں پیش کر دی گئی

نئے آئین   کی تشکیل  کے بل کو  ترک قومی اسمبلی میں پیش کر دیا گیا ہے۔

جسٹس اینڈ ڈویلپمنٹ پارٹی    اور نیشلسٹ  موومنٹ پارٹی کی جانب سے مشترکہ طور پر  تیار کردہ   بل   اکیس  نکاتی  ترامیم پر   مبنی ہے۔

316 اراکین  پارلیما ن کے دستخطوں کی  حامل اس تجویز  کے نکات میں  ممبر ِ  اسمبلی بننے کی عمر  کو 18  سال تک کم  کیا جانا ،  صدر منتخب ہونے والے  شخص   کی  اپنی سیاسی جماعت کی رکنیت   کو برقرار   رکھا جانا،   حکومتی امور    کو چلانے کے اختیارات کو صدر کو سپرد کیا جانا   اور عام انتخابات سمیت صدارتی انتخابات کو  بیک  وقت   سر نجام دیا جانا  وغیرہ   نمایاں ہیں۔

اگر  یہ تجویزی بل  قومی اسمبلی  میں          330  اور       367  کے درمیان کی تعداد میں  اراکین   کے ووٹوں کے ساتھ قبول  کر لیا گیا  تو  آئندہ  کے ساٹھ دنوں کے  اندر اسے  ریفرنڈم کے لیے پیش کیا جائیگا۔ اگر   یہ ووٹ 367اور اس سے زیادہ ہوئے تو پھر ریفرنڈم  کی ضرورت  پیش   نہیں آئیگی۔

تا ہم  خیال رہے کہ صدر رجب طیب ایردوان نے اس سے قبل اپنے ایک اعلان میں کہا تھا کہ   قومی اسمبلی  میں اس حوالے سے پڑنے والے ووٹوں کی تعداد چاہے  کچھ بھی ہو اس  پر "عوام  کی رائے " ضرور لی  جائیگی۔