داعش کے 99 ٹھکانوں پر گولہ باری

 شام کے شمالی علاقے  کو   دہشت گرد وں سے پاک کرنے کے لیے ترکی کی زیر قیادت 24 اگست سے شروع فرات ڈھال فوجی کاروائی کے دائرہ کار میں  داعش کے 99 ٹھکانوں پر گولہ باری کی گئی ہے ۔

گولہ باری سے دہشت گردوں کی پناہ گاہوں ،دفاعی ٹھکانوں ،کمان اور کنٹرول تنصیب ، اسلحے کے ڈپوؤں اور گاڑیوں کو تباہ کر دیا گیا ہے ۔

 ترک مسلح افواج کے جنگی طیاروں  نے داعش کے زیر کنٹرول باب اور شب ویران  علاقوں میں  موجود نو  اہداف پر بمباری  کرتے ہوئے دو ہیڈ کوارٹرز،4 دفاعی ٹھکانوں اور ایک اسلحے کے ڈپو کو تباہ کر دیا ہے ۔

دریں اثناء علاقے میں جاری کاروائیوں کے دوران 4 مخالفین شہید اور 21 زخمی ہو گئے ہیں ۔ فرات ڈھال کاروائی کے آغاز سے لیکر ابتک مخالفین  نے 1800  مربع کلومیٹر کے علاقے کو دہشت گردوں کے قبضے سے واپس لے لیا ہے اور 40 بارودی سرنگوں اور  1700 دستی بموں کو ناکارہ بنایا ہے ۔