فتح اللہ گولن کی ترکی کو حوالگی کے حوالے سے دستخط مہم

دہشت گرد تنظیم  فیتو   کے سرغنہ فتح اللہ گؤلن  کی  ترکی کو حوالگی کے لیے  وائٹ ہاؤس کی سرکاری ویب سائٹ پر   شروع کردہ      مہم     میں  مقررہ ہدف    ایک لاکھ  دستخط  تک رسائی ممکن بن گئی ہے۔

دستخط مہم کو شروع کرانے والے  متحدہ امریکہ  میں مقیم  ترک معاشرے کے نمائندوں نے     اس کے کامیابی    سے ہمکنار ہونے کے  بعد ایک پریس کانفرس کا اہتمام کیا۔

اس مہم کو   عملی  جامہ  پہنانے والے   "ترکی "  نامی  گروپ  کے نام پر       خطاب کرنے  والے جاہت اوکتائے  کا کہنا تھا کہ    مہم  کے حوالے سے  عوام  کا رد عمل  بڑا  تیز رہا ہے اسی بنا پر ہم   قلیل   مدت میں اپنے  ہدف  تک پہنچ گئے  ہیں۔

ترک آجر اور   ایکٹیوسٹ    ابراھیم  قرتولش  نے       اس موقع پر   کہا کہ  ہمیں گؤلن کی امریکہ میں  موجودگی سے بے چینی ہوتی ہے  اسے بلا کسی سوال و   تفتیش کے     ترکی کے حوالے کیا جانا چاہیے۔

ترکی  کے امریکہ  کے ایک    اہم  سٹریٹیجک   حصہ دار ہونے کی جانب اشارہ کرنے والے    قرتولش  نے    امریکہ   میں صدارتی انتخابات کی دوڑ  میں  گؤلن کے  خونی  پیسے کو لینے والے سیاستدانوں   سے  اس شخص کو ترکی بھیجنے کی  اپیل کی۔

انہوں نے مزید کہا کہ " ہم  صدر باراک اوباما    کو  نیٹو کے   اتحادی ملک     جمہوریہ ترکی کا ساتھ دینے کی اپیل کرتے ہیں۔"