نیا آئین عوام کو دیے گئے وعدوں کی روشنی میں وضع کیا گیا ہے، داود اولو

وزیر اعظم احمد داود اولو کاکہنا ہے کہ        آزادانہ سیکولرزم     نظریے پر مبنی    مفاہمت    کو    نئے آئین  میں  جگہ  دی جائیگی۔

انصاف و ترقی  پارٹی  کے    رہنما   و وزیر اعظم        احمد داود اولو    نے   پارٹی کے    مرکزی دفتر میں      ضلعی      صدور  کے  اجلاس  میں شرکت کی۔

جناب داود اولو نے اس موقع پر اپنے خطاب میں  کہا  کہ "دہشت گردی کے خلاف پر عزم  کاروائیاں کی جا رہی ہیں،  رہائشی   علاقوں کو ایک ایک  کر کے    محفوظ بنایا جا رہا ہے۔ہماری قوم و ملت  کے اس لعنت سے مکمل  طور پر چھٹکارا پانے تک یہ  جنگ جاری  رہے گی۔

اپنے خطاب میں  آئین سازی کے  موضوع کا ذکر  کرتے ہوئے کہا کہ  اس ضمن میں     ہم نے  ترک    قوم سے وعدہ کر رکھا ہے،  وسیع  پیمانے کے   صلاح مشورے کے  نتیجے   میں اس ہفتے سے    قوانین کو تحریری  شکل دینے کا کام شروع ہو چکا ہے۔

داود اولو نے  مزید  بتایا کہ " آک پارٹی نے      اپنے   منشور میں   اور    پارٹی   پروگرام   میں  ابتک وضع کرتے ہوئے  عوام کو پیش کردہ   آئینی مسودے  میں   دیگر خصوصیات  کے ساتھ ساتھ   سیکولرزم  کے اصولوں کو بھی  جگہ  دی ہے۔  اس   دائرہ کار میں  تیار کردہ   نئے آئین   میں  بھی  سیکولر اصولوں کے مطابق    ہر کس کے  دین و مذہب    اور عقیدے  کو  ضمانت   میں لینے  وا لی شقیں   شامل ہیں   اور  تمام  تر  مذہبی   عقائد کے حامل   طبقوں  کے درمیان مساوات کو   اولیت دی    گئی ہے۔