ترک شہری بلا ویزہ یورپی ملکوں کی سیاحت کر سکیں گے

یورپی یونین کے ترکی وفد کے سربراہ ہینز یورگ ہابے نے اعلان کیا ہے کہ ویزے کی پابندی کے خاتمے کے حوالے سے ہم نے نصف سفر طے کر لیا ہے۔

تیار کردہ روڈ میپ کے مطابق ترک شہری اکتوبر 2016 سے یورپی ملکوں میں آزادانہ طور پر آجا سکیں گے۔

ہابے نے اس موضوع کے حوالے سے استنبول میں تازہ ترین پیش رفت سے آگاہی کرائی۔

پریس بریفنگ دینے والے وفد کے سربراہ نے بتایا کہ مذاکرات کی میز پر موجود 72 معاملات میں سے نصف کو حل کر لیا گیا ہے۔

تا ہم انہوں نے اس بات پر بھی زور دیا ہے کہ محض نئے اور قابل اعتماد پاسپورٹوں کو ہی اس سہولت سے استفادہ کرنے کی اجازت ہو گی۔ ان پاسپورٹوں کے اجراء کا خرچہ یورپی یونین برداشت کرے گی۔