جنوبی قبرصی یونانی انتظامیہ کے وزیر خارجہ کے دعوے بے بنیاد

ترکی کی وزارت خارجہ کے ترجمان تانجو بلگچ نے جنوبی قبرصی یونانی انتظامیہ کے وزیر خارجہ کے بیان کے حوالے سے گارنٹی سسٹم سے متعلق کئے جانے والے اور جنوبی قبرصی یونانی انتظامیہ کے ذرائع ابلاغ میں جگہ پانے والے دعووں کو بے بنیاد قرار دیا ہے۔
بلگچ نے یونانی قبرصی انتظامیہ کے ذرائع ابلاغ میں شائع ہونے والی گارنٹی سسٹم سے متعلقہ خبروں کے متعلق سوال کا جواب دیتے ہوئے کہا ہے کہ ترکی اس وقت جاری مذاکراتی عمل کے فوری منصفانہ ، وسیع اور پائیدار حل کے لئے پُر عزم شکل میں تعاون کو جاری رکھے ہوئے ہے اور ضمانتوں کے بارے میں ترکی کا طرز عمل واضح ہے۔
انہوں نے کہا کہ اس موضوع پر مذاکراتی عمل کے آخری مرحلے میں دیگر ضامن ملکوں کی شرکت سے پانچ فریقی فارمیٹ پر اجلاس کیا جائے گا اور ترکی اپنے نقطہ نظر کو اس اجلاس میں پیش کرے گا۔