یورپی کمیشن 2030 تک روسی توانائی سے نجات پالے گا،خاکہ تیار کر لیا گیا

یوکرین حملے کے بعد دنیا بھر کے ممالک روس  پر ہر ممکنہ پابندیاں عائد کر رہے ہیں، گزشتہ روز امریکہ نے روس سے تیل خریدنے پر پابندی عائد کرنے کا اعلان کیا تھا۔

خبر کے مطابق، یورپ 2030 تک روسی توانائی سے چھٹکارا حاصل کر لے گا جس کےلیے یورپی کمیشن نے یورپ کو روسی ایندھن سے آزاد بنانے کے منصوبے کا خاکہ تجویزکردیا ہے۔

 یہ اطلاع روس کی جرمنی کے لیےاہم گیس پائپ لائن بند کرنے کے اعلان کے بعد سامنے آیا ہے۔

 یورپ میں کئی مہینوں سے توانائی کی قیمتیں بڑھ چکی ہیں، یوکرین پر روس کے حملے کے بعد سپلائی کی غیر یقینی صورتحال ہے اس  منصوبے کا مقصد یورپی ممالک کی روسی گیس کی طلب کو سال کے اختتام سے پہلے دو تہائی کم کرنا ہے۔

دوسری جانب امریکی صدرجوبائیڈن کا کہنا ہے کہ پوتن کو یوکرین میں کبھی فتح نہیں ملے گی، روسی تیل کی درآمد پر پابندی کا فیصلہ اتحادیوں کے ساتھ قریبی مشاورت سےلیا گیا تھا۔

خیال رہے کہ روسی صدر ولادی میر پوتن نے خبردار کیا تھا کہ اگر روس کے تیل اور گیس پر پابندی عائد کی گئی تو عالمی منڈیوں میں خام تیل کی قیمت 300 ڈالر فی بیرل تک پہنچ جائے گی۔

واضح رہے کہ یورپین ممالک اپنی گیس کی ضروریات پوری کرنے کے لیے روسی گیس پر انحصار کرتے ہیں