ترکی کے بارے میں فچ کی مثبت رپورٹ

بین الاقوامی کریڈٹ ریٹنگ ادارے فچ ریٹنگز نے اعلان کیا ہے کہ سن 2015 کی پہلی سہہ ماہی میں ترک شعبہ بینکاری نے مثبت کارکردگی کا مظاہرہ کیا ہے۔
ادارے کا کہنا ہے کہ قرضے دینے کے عمل میں مثبت پیش رفت نے بینکوں کے گوشواروں میں مشکلات کا سد باب کیا ہے اور ماکرو اکانومی کے عدم توازن سے پیدا ہونے والے خطرات میں کمی واقع ہوئی ہے۔
ادارے کے اعلامیہ میں اس بات کی یاد دہانی کرائی گئی ہے کہ ترک بینکوں نے رواں سال کے اختتام تک 15 تا 20 فیصد کی شرح نمو کا ہدف بنا رکھا ہے، پہلی سہہ ماہی کے اعداد و شمار اس ہدف کے حقیقت پسندانہ ہونے کا اشارہ کرتے ہیں۔