ناروے میں برقی گاڑیوں کی تعداد پٹرول گاڑیوں سے بڑھ گئی

ناروے میں پہلی بار مکمل طور پر  برقی  گاڑیوں کی تعداد پٹرول کی گاڑیوں سے زیادہ ہوگئی۔

نارویجن روڈ فیڈریشن کی جانب سے دیے گئے بیان میں کہا گیا ہے کہ ملک میں 16 ستمبر تک رجسٹر ہونے والی 2.8 ملین نجی  گاڑیوں میں سے 7 لاکھ 54 ہزار 303 مکمل طور پر الیکٹرک اور 7  لاکھ 53 ہزار 905 پٹرول کی تھیں۔ 

بیان میں کہا گیا کہ ملک میں ڈیزل گاڑیوں کی تعداد میں کمی کا سلسلہ جاری ہے، ناروے کی سڑکوں پر اب پٹرول سے چلنے والی گاڑیوں سے زیادہ الیکٹرک گاڑیاں ہیں۔

روڈ فیڈریشن  OFV  کے ڈائریکٹر Oyvind Solberg Thorsen نے اس مسئلے کے بارے میں اپنے جائزے میں کہا کہ یہ ایک تاریخی واقعہ ہے۔ ایک اہم موڑ جسے 10 سال پہلے بہت کم لوگ دیکھ سکتے تھے۔" انہوں نے کہا. 

OFV کے  اعداد و شمار  کے مطابق، 2030 تک ملک میں  نجی استعمال کی گاڑیوں کی تعداد 3.1 ملین تک پہنچ جائے گی۔