پاک فوج کی طرف سے غیر ملکی ذرائع ابلاغ کو لائن آف کنٹرول کے دورے کی دعوت
بھارتی فوج نے جان بوجھ کر شہری آبادی کو نشانہ بنا یا ہے، بھارت کیمپوں کو نشانہ بنانے کی آڑ میں معصوم شہریوں پر گولیاں برسا رہا ہے: میجر جنرل آصف غفور
پاک فوج کے شعبہ تعلقات عامہ آئی ایس پی آر کے ترجمان میجر جنرل آصف غفور نے کہا ہے کہ بھارت جان بوجھ کر شہری آبادی کو نشانہ بنا رہا ہے۔
اطلاع کے مطابق میجر جنرل آصف غفور نے اقوام متحدہ کے مبصرین اور غیر ملکی ذرائع ابلاغ کو لائن آف کنٹرول کے دورے کی دعوت دی۔
انہوں نے کہا ہے کہ غیر ملکی میڈیا کو مقبوضہ کشمیر میں ایل او سی کا دورہ کرنے کی اجازت نہیں ہے لیکن یو این مبصرین اور غیر ملکی میڈیا کو آزاد کشمیر میں آزادانہ رسائی حاصل ہے۔
میجر جنرل آصف غفور نے کہا ہے کہ بھارتی فوج نے جان بوجھ کر شہری آبادی کو نشانہ بنا یا ہے، بھارت کیمپوں کو نشانہ بنانے کی آڑ میں معصوم شہریوں پر گولیاں برسا رہا ہے۔
ڈی جی آئی ایس پی آر نے کہا ہے کہ بھارت کو سیز فائر خلاف ورزیوں کا ہمیشہ منہ توڑ جواب ملے گا۔ پاک فوج ایل او سی پر شہریوں کی حفاظت جاری رکھے گی اور ایل او سی کی خلاف ورزیوں پر بھارتی فوج کو ناقابل برداشت نقصان پہنچائے گی۔