پاکستان نے شمالی عراق میں کرد علاقائی انتظامیہ کے ریفرنڈم کو غیر آئینی قرار دے کر مسترد کردیا
پاکستان کے دفترِ خارجہ کی جانب سے جاری کردہ اعلامیے میں کہا گیا ہے کہ پاکستان عراق کی علاقائی سالمیت کی بھر پو حمایت کرتا ہے اور وہ اس اقدام کی مخالفت کرے گا جس سے عراق کی سالمیت کو کوئی نقصان پہنچتا ہو
پاکستان نے عراقی کردستان میں آزادی کے ریفرنڈم پر اظہار تشویش کرتے ہوئے کہا ہے کہ 25 ستمبر کا ریفرنڈم عراقی آئین سے انحراف ہے۔
پاکستان کے دفترِ خارجہ کی جانب سے جاری کردہ اعلامیے میں کہا گیا ہے کہ پاکستان عراق کی علاقائی سالمیت کی بھر پو حمایت کرتا ہے اور وہ اس اقدام کی مخالفت کرے گا جس سے عراق کی سالمیت کو کوئی نقصان پہنچتا ہو۔
دفترخارجہ کی جانب سے جاری ہونے والے بیان میں کہا گیا ہے کہ پاکستان کو عراقی کردستان میں ریفرنڈم پر تشویش ہے پاکستان عراقی کردستان میں آزادی کے ریفرنڈم کی مخالفت اور عراق کے اتحاد، خودمختاری اور جغرافیائی وحدت کی حمایت کرتا ہے۔
ترجمان دفترخارجہ کا کہنا ہے کہ کردستان میں 25 ستمبرکا ریفرنڈم عراقی آئین سے انحراف ہے ریفرنڈم سے عراق میں امن و استحکام کو دھچکا پہنچا پاکستان عراقی حکومت اور عوام کی مکمل حمایت کرتے ہیں۔
یاد رہے شمالی عراق میں 25 ستمبر کو عاق سے علیحدگی اور شمالی کردستان کو اییک الگ مملکت بنانے کے موضوع پر ریفرنڈم کروایا گیا تھا جس میں شمالی عراق کے کے عوام کی بھاری اکثریت نے آزادی کے حق میں ووٹ دیا تھا ۔
