ہر پاکستانی پاک چین اقتصادی راہداری کا محافظ ہے: میجر جنرل آصف غفور

پاکستان کے ڈی جی آئی ایس پی آر میجر جنرل آصف غفور نے کہا ہے کہ ہر پاکستانی پاک چین اقتصادی راہداری کا محافظ ہے اور معاشی خوشحالی دہشت گردی کے خلاف موئثر ترین ہتھیار ہے۔

بیجنگ میں پاکستان کے سفیر مسعود خالد کے ساتھ پریس کانفرنس کے دوران میجر جنرل آصف غفور نے کہا کہ سی پیک کی سکیورٹی کے لئے پاک فوج نے 15 ہزار جوانوں پر مشتمل خصوصی ڈویژن قائم کیا ہے۔

انہوں نے کہا کہ پاک بحریہ نے بھی خصوصی ٹاسک فورس کو گوادر میں متعین کر دیا ہے اور باقی صوبے بھی اپنے اپنے انتظامات کر رہے ہیں۔

پاکستان کے سفیر مسعود خالد نے بھی اپنے بیان میں کہا ہے کہ اس وقت 19 ہزار چینی باشندے پاکستان میں مختلف منصوبوں پر کام کر رہے ہیں اور پاکستانی حکومت نے ان کی حفاظت کا بندو بست کیا ہوا ہے۔